கரோனா அச்சுறுத்தலுக்கு மத்தியில் இங்கிலாந்து அணி, வெஸ்ட் இண்டீஸ், பாகிஸ்தான், அயர்லாந்து, ஆஸ்திரேலிய அணிகளுடனான கிரிக்கெட் போட்டிகளில் விளையாடியுள்ளது. இதில் தற்போது இங்கிலந்து - ஆஸ்திரேலிய அணிகளுக்கு இடையிலான டி20 தொடர் நேற்றுடன் நிறைவடைந்தது.
இதில் நேற்று நடைபெற்ற மூன்றாவது டி20 போட்டியில் சிறப்பாக விளையாடிய ஆஸ்திரேலிய அணி ஐந்து விக்கெட் வித்தியாசத்தில் இங்கிலாந்து அணியை வீழ்த்தியது. இருப்பினும் மூன்று போட்டிகள் கொண்ட டி20 தொடரை இங்கிலாந்து அணி 2-1 என்ற கணக்கில் கைப்பற்றி அசத்தியது.
இந்நிலையில் சர்வதேச கிரிக்கெட் கவுன்சில்(ஐசிசி) வீரர்களுக்கான சர்வதேச டி20 தரவரிசையை இன்று (செப்.09) வெளியிட்டது. இதில் கடந்த ஓராண்டாக முதலிடத்தில் இருந்து வந்த பாகிஸ்தான் அணியின் பாபர் ஆசாமை பின்னுக்குத் தள்ளி, இங்கிலாந்தின் நட்சத்திர வீரர் டேவிட் மாலன் முதலிடம் பிடித்து அசத்தினர்.