கோவிட்-19 பெருந்தொற்றுக் காரணமாக உலகம் முழுவதும் லட்சக்கணக்கான மக்கள் கடும் சிரமத்தை சந்தித்து வருகின்றனர். மேலும் இப்பெருந்தொற்றின் முன்னெச்சரிக்கையாக உலக நாடுகள் பலவற்றிலும் ஊரடங்கு உத்தரவு அமல்படுத்தப்பட்டுள்ளது.
இந்நிலையில், ஆஸ்திரேலிய அணியின் முன்னாள் ஜாம்பவான் ஸ்டீவ் வாக் சர்வதேச கிரிக்கெட்டில் எத்தனை முறை ரன் அவுட் ஆகியுள்ளார் என்ற ட்விட்டர் புள்ளி விவரத்திற்கு பதிலளித்த சக அணி விரர் ஷேன் வார்னே, ‘ஸ்டீவ் வாக் இதுவரை 104 முறை ரன் அவுட் ஆகியுள்ளார். அதில் 73 தங்களது துணை வீரர்கள் மூலமாக ரன் அவுட் செய்யப்பட்டுள்ளார். இதனால் உலகில் அதிகமுறை ரன் அவுட் ஆனா வீரர் என்ற பெருமையை ஸ்டீவ் பெற்றுள்ளார்’ என்று பதில் அளித்தார்.
அதன்பின், மீண்டும் தனது ட்விட்டர் பதிவில், ‘நான் ஸ்டீவை வெறுக்கவில்லை. இதை நான் ஆயிரம் முறை கூறிவுள்ளேன். சில நாட்களுக்கு முன்பு கூட என்னுடைய சிறந்த ஆஸ்திரேலிய அணியில் ஸ்டீவ் வாக்கை தேர்தெடுத்திருந்தேன் என்பதை நினைவில் கொள்ளுங்கள். மேலும் நான் விளையாடியதிலேயே ஸ்டீவ் வாக் மட்டுமே மிகவும் சுயநலமான கிரிக்கெட் வீரர். அதற்கு இந்த மதிப்பீடும் ஓர் உதாரணம்’ என்று பதிவிட்டுள்ளார்.