இந்தியா - ஆஸ்திரேலியா அணிகளுக்கு இடையேயான மூன்றாவது டெஸ்ட் போட்டி சிட்னியில் நடைபெற்று வருகிறது. இதில் இன்று நிறைவடைந்த இரண்டாம் நாள் ஆட்டநேர முடிவில் இந்திய அணி தனது முதல் இன்னிங்ஸில் 2 விக்கெட்டுகளை இழந்து 90 ரன்களை குவித்தது.
முன்னதாக ஆஸ்திரேலிய அணியின் முதல் இன்னிங்ஸில், நட்சத்திர வீரர் ஸ்டீவ் ஸ்மித் சதமடித்து அணியின் ஸ்கோரை உயர்த்தினார். இதன் மூலம் இந்திய அணிக்கெதிராக அதிக டெஸ்ட் சதங்களை அடித்த வீரர் (எட்டு சதங்கள்) எனும் சாதானையை கிரிக்கெட் ஜாம்பவான்கள் ரிக்கி பாண்டிங், விவியன் ரிச்சர்ட்ஸ் ஆகியோருடன் பகிர்ந்துள்ளார்.