கோவிட்-19 பெருந்தொற்று காரணமாக, இந்த ஆண்டு இந்தியாவில் நடைபெறவிருந்த ஐபிஎல் தொடர் காலவரையின்றி ஒத்தி வைக்கப்பட்டுள்ளது. இதனால் விளையாட்டு வீரர்கள், தங்களது நேரத்தை குடும்பத்தினருடனும், சமூக வலைதளங்களிலும் செலவிட்டு வருகின்றனர்.
இதற்கிடையில் கடந்த சில நாட்களுக்கு முன்பு, சமூக வலைதளங்களில் இந்திய அணியின் முன்னாள் கேப்டன் தோனி ஓய்வு பெற்றுவிட்டார் என்ற வதந்தி காட்டுத்தீயாய் பரவியது. ஆனால், அத்தகவல் உண்மையில்லை என்று தோனியின் மனைவி சாக்சி மற்றும் அவரது சிறு வயது பயிற்சியாளர் ஆகியோர் மறுப்புத் தெரிவித்திருந்தனர்.
இந்நிலையில் சென்னை சூப்பர் கிங்ஸ் அணியின் இன்ஸ்டாகிராம் நேரலை நேர்காணல் நிகழ்ச்சியில் பங்கேற்ற சாக்சி சிங் தோனி, ட்விட்டரில் வைரலான #DhoniRitire குறித்து பதிலளித்துள்ளார்.