புஷ்ஃபயர் கிரிக்கெட் பாஷ் தொடரில் பாண்டிங் தலைமையிலான அணிக்கு பயிற்சியாளராக கிரிக்கெட் கடவுள் என ரசிகர்களால் அழைக்கப்படும் சச்சின் டெண்டுலகர் செயல்பட்டு வருகிறார்.
இதனிடையே ஆஸ்திரேலியாவில் நடைபெற்று வரும் மகளிருக்கான முத்தரப்பு டி20 தொடரில் ஆஸ்திரேலியா, இந்தியா, இங்கிலாந்து ஆகிய அணிகள் பலப்பரிட்சை செய்து வருகிறது.
இதனை சாக்காக வைத்து ஆஸ்திரேலிய அணியின் அனுபவ ஆல் ரவுண்டர் வீராங்கனையான எல்லீஸ் பெர்ரி, தனது ட்விட்டர் பக்கத்தில், எனது ஓவரில் சச்சின் டெண்டுல்கர் பேட்டிங் செய்ய வேண்டும் என விரும்புகிறேன் என்று பதிவிட்டிருந்தார்.
இவரின் கோரிக்கை ஏற்ற சச்சின் டெண்டுல்கர் நேற்று ஒரு ஓவர் பேட்டிங் செய்வேன் என ஒப்புக்கொண்டார். அதன்படி புஷ்ஃபயர் கிரிக்கெட் பாஷ் தொடரின் இடைவேளையில் சச்சின் பேட்டிங் செய்ய, ஆஸ்திரேலிய வீராங்கனை எல்லீஸ் பெர்ரி பந்துவீசினார்.