தென் ஆப்பிரிக்காவுக்குச் சுற்றுப்பயணம் மேற்கொண்டுள்ள இங்கிலாந்து அணி நான்கு போட்டிகள் கொண்ட டெஸ்ட் தொடரில் பங்கேற்றுள்ளது. இதன் இரண்டாவது போட்டி கேப்டவுன் மைதானத்தில் நடைபெற்றுவருகிறது.
இந்தப் போட்டியின் முதல் இன்னிங்ஸில் இங்கிலாந்து அணி 269 ரன்கள் எடுத்தது. இதையடுத்து நடந்த இரண்டாம் நாள் ஆட்டத்தில் தென் ஆப்பிரிக்க அணி 215 ரன்களுக்கு 8 விக்கெட்டுகள் இழந்து களத்தில் இருந்தது. இதையடுத்து நடந்த இன்றைய ஆட்டத்தில் தென் ஆப்பிரிக்க அணி 223 ரன்களுக்கு அனைத்து விக்கெட்டுகளையும் பறிகொடுத்தது. இதில் இங்கிலாந்து அணியின் ஆண்டர்சன் 5 விக்கெட்டுகளை வீழ்த்தி அசத்தினார்.