சென்னை சேப்பாம் மைதானத்தில் நேற்று நடைபெற்ற இந்தியாவுக்கு எதிரான முதல் ஒருநாள் கிரிக்கெட் போட்டியில் வெஸ்ட் இண்டீஸ் அணி எட்டு விக்கெட்டுகள் வித்தியாசத்தில் வெற்றிபெற்றது. இதன் மூலம், மூன்று போட்டிகள் கொண்ட ஒருநாள் தொடரில் அந்த அணி 1-0 என்ற கணக்கில் முன்னிலை பெற்றது.
இதனிடையே, இந்திய அணி முதலில் பேட்டிங் செய்தபோது இந்திய அணியின் துணை கேப்டன் ரோஹித் சர்மா, வெஸ்ட் இண்டீஸ் அணியின் கேப்டன் பொல்லார்டை தகாத வார்த்தையால் திட்டிய வீடியோ சமூகவலைதளங்களில் அதிகம் தென்பட்டுவருகிறது. ஆட்டத்தின் ஏழாவது ஓவரின் போது இச்சம்பவம் நடந்துள்ளது. இதுகுறித்து ஸ்ட்ரைக்கரிலிருந்த கே.எல்.ராகுல் ரோஹித்திடம் விசாரித்துள்ளார். அப்போது, ரோஹித் சர்மா பொல்லார்ட்டை தகாத வார்த்தையில் குறிப்பிட்டு கே.எல்.ராகுலிடம் பதிலளித்துள்ளார்.