இந்திய கிரிக்கெட் வீரர்களான ஹர்திக் பாண்டியா, குருணால் பாண்டியா ஆகியோரின் தந்தை ஹிமான்ஷு மாரடைப்பால் நேற்று (ஜன.16) காலமானார். அவரது மறைவுக்கு இந்திய கிரிக்கெட் அணியின் கேப்டன் விராட் கோலி உள்ளிட்ட பல்வேறு வீரர்கள், கிரிக்கெட் சங்கத்தினர் இரங்கல் தெரிவித்துள்ளனர்.
இந்நிலையில் தந்தையின் மறைவு குறித்து ஹர்திக் பாண்டியா உருக்கமான ட்விட்டர் பதிவு ஒன்றை வெளியிட்டுள்ளார். அதில், "உங்கள் ஆத்மா சாந்தி அடையட்டும், ஒவ்வொரு நாளும் உங்களை காணாமல் ஏங்குவேன். உங்களை எப்போதும் மிகவும் நேசிப்பேன்” என பதிவிட்டுள்ளார்.