கோவிட்-19 பெருந்தொற்றின் அச்சுறுத்தல் காரணமாக நாடு முழுவதும் மே 3ஆம் தேதி வரை ஊரடங்கு உத்தரவை நீட்டிப்பதாக மத்திய அரசு அறிவித்துள்ளது. இதனால் இம்மாதம் 15ஆம் தேதி தொடங்குவதாக இருந்த ஐபிஎல் தொடரின் 13ஆவது சீசன், காலவரையின்றி ஒத்திவைக்கப்படுவதாக பிசிசிஐ அறிவித்துள்ளது.
இந்நிலையில், ஐபிஎல் தொடரில் சிறந்து விளங்கும் அணியான சென்னை சூப்பர் கிங்ஸ், ஊரடங்கினால் வீட்டில் நேரத்தை செலவிடும் வீரர்களுடன் இன்ஸ்டாகிராம் நேரலையில் நேர்காணல் நிகழ்ச்சியை நடத்திவருகிறது. இதில், தென் ஆப்பிரிக்க அணியின் முன்னாள் கேப்டன் ஃபாஃப் டூ பிளெசிஸ் கலந்துகொண்டு சென்னை அணியின் வெற்றிக்கான ரகசியமே தோனி என்று தெரிவித்துள்ளார்.
இது குறித்து டூ பிளேசிஸ் கூறுகையில், ஐபிஎல் தொடரின் அனைத்து சீசன்களிலும் சென்னை சூப்பர் கிங்ஸ் அணி சிறப்பாக செயல்படுவதற்கு மிக முக்கிய காரணம் தோனி மற்றும் ஃப்ளமிங் மட்டும்தான். ஏனெனில் இவர்களின் அணி தேர்வே சர்வதேச கேப்டன்களை முன்னோக்கி இருக்கும். உதாரணம் பிராண்டன் மெக்குலம், பிராவோ, ரெய்னா என கேப்டன்களை கொண்டு ஓவ்வொரு சீசனிலும் அணியை கட்டமைத்தனர்.