இந்திய அணியின் மிடில் ஆர்டர் பேட்ஸ்மேனாக இருந்தவர் அம்பதி ராயுடு. ஒருநாள் போட்டிக்கான இந்திய அணியில் தொடர்ந்து நீடிக்கும் நான்காவது வரிசை பிரச்னையை ஓரளவிற்கு சரிசெய்தவர் ராயுடு. இந்திய அணிக்காக 55 ஒருநாள் போட்டிகளில் விளையாடிய ராயுடு, இதுவரை 1694 ரன்களை எடுத்துள்ளார். 33 வயதான ராயுடு, உலகக்கோப்பை தொடருக்கான இந்திய அணியில் இடம்பெறாத காரணத்தால் சர்வதேச கிரிக்கெட்டிலிருந்து திடீரென ஓய்வு பெறுவதாக அறிவித்தார்.
அதன்பின், பதற்றத்தில் தான் இந்த முடிவை எடுத்ததால், ஓய்வை திரும்பப் பெற்றுக்கொள்வதாகவும் அறிவித்தார். அதோடுமட்டுமில்லாமல், விஜய் ஹசாரே எனும் ஒருநாள் கிரிக்கெட் தொடருக்கான ஹைதராபாத் அணியில் தன்னை சேர்த்துகொள்ளுமாறும் ஹைதராபாத் கிரிக்கெட் சங்கத்துக்கு கடிதம் எழுதினார். இந்நிலையில், உள்ளூர் கிரிக்கெட் தொடரான விஜய் ஹசாரே டொரன்மென்டில், ஒருநாள் கிரிக்கெட் தொடர் வரும் 24ஆம் தேதி முதல் அக்டோபர் 25ஆம் தேதிவரை ஜெய்ப்பூரில் நடைபெறவுள்ளது.