2023ஆம் ஆண்டு நடைபெறவுள்ள ஐசிசி டெஸ்ட் சாம்பியன்ஷிப் தொடரிலிருந்து ஐந்து நாள்களாக நடைபெறும் டெஸ்ட் போட்டியை நான்கு நாள்களாக நடத்துவது குறித்து ஐசிசி சமீபத்தில் ஆலோசனை நடத்தியது. இந்த யோசனைக்கு முன்னாள் வீரர்கள் பலரும் எதிர்ப்பு தெரிவித்துள்ளனர். இந்திய பந்துவீச்சாளர்கள் இதுவரை இதுகுறித்து பதில் கூறாத நிலையில், ட்விட்டரில் அஸ்வின் பதிலளித்துள்ளார்.
அவரது ட்விட்டர் பக்கத்தில் தென் ஆப்பிரிக்கா - இங்கிலாந்து அணிகள் ஆடிய போட்டியைப் பற்றி, ''தென் ஆப்பிரிக்கா 4 விக்கெட்டுகளை இழந்துள்ளது. இந்தப் போட்டி மிகச்சிறந்த முடிவினை எட்டப்போகிறது'' எனப் பதிவிட்டார். அதற்கு ரசிகர் ஒருவர் நான்கு நாள் டெஸ்ட் போட்டி குறித்து கருத்து கேட்க, தனது சோகத்தை ஸ்மைலி வாயிலாகப் பதிவிட்டார்.