இந்தியா ஏ - ஆஸ்திரேலியா ஏ அணிகளுக்கு இடையேயான முதல் பயிற்சி ஆட்டம் கடந்த டிச.06 ஆம் தேதி தொடங்கியது. இன்றுடன் நிறைவடைந்த இப்பயிற்சி ஆட்டம் டிராவில் முடிவடைந்ததாக அறிவிக்கப்பட்டது.
இதற்கிடையில் ஆஸ்திரேலிய ஏ அணியின் இரண்டாவது இன்னிங்ஸை தொடங்கிய புகோவ்ஸ்கி, வேகப்பந்துவீச்சாளர் கார்த்திக் தியாகி வீசிய பவுன்சரில் காயமடைந்தார். இதையடுத்து அணியின் மருத்துவர் களத்திற்கு வந்து புகோவ்ஸ்கியை பரிசோதித்தார்.
பின்னர் மருத்துவ பரிசோதனைக்காக புகோவ்ஸ்கி ஆட்டத்திலிருந்து பாதியிலேயே விலகினார். இதனையடுத்து வருகிற 10ஆம் தேதி நடைபெறவுள்ள இரண்டாவது பயிற்சி ஆட்டத்திலிருந்து புகோவ்ஸ்கி விலகுவதாக ஆஸ்திரேலிய கிரிக்கெட் வாரியம் அறிவித்துள்ளது.
22 வயதாகும் வில் புகோவ்ஸ்கி, இந்தியா - ஆஸ்திரேலியா அணிகளுக்கு இடையேயான நான்கு போட்டிகள் கொண்ட டெஸ்ட் தொடரில் அறிமுகமாகவுள்ளது குறிப்பிடத்தக்கது.
இதையும் படிங்க:தனிமைப்படுத்துதல் காலத்தை நிறைவு செய்த பாக்., வீரர்கள்!
