இந்தியாவில் கரோனா வைரஸ் (கோவிட் -19) தொற்று வேகமாக பரவிவருகிறது. இதுவரை இந்தியாவில் இந்த கோவிட் -19 வைரஸால் 10 பேர் உயிரிழந்துள்ள நிலையில், 500க்கும் மேற்பட்டோர் பாதிக்கப்பட்டுள்ளனர். இதனைக் கட்டுக்குள் கொண்டுவரும் விதமாக தமிழ்நாடு, கேரளா உள்ளிட்ட பல்வேறு மாநிலங்களில் இம்மாத இறுதிவரை ஊரடங்கு உத்தரவு பிறப்பிக்கப்பட்டுள்ளது
இந்நிலையில், நாட்டையே அச்சுறுத்தி வரும் கோவிட் - 19 வைரஸ் குறித்து பிரதமர் மோடி நேற்றிரவு நாட்டு மக்களிடையே உரையாற்றினார். அதில், கோவிட் -19 வைரஸைக் கட்டுப்படுத்தும் விதமாக இன்று (நேற்று) முதல் அடுத்த 21 நாள்களுக்கு நாடு முற்றிலும் முடக்கப்படும் என அறிவித்துள்ளார்.