கரோனா வைரஸ் எதிரொலி: பாகிஸ்தான் - வங்கதேசம் ஆட்டம் ஒத்திவைப்பு

கரோனா வைரஸ் காரணமாக பாகிஸ்தான் - வங்கதேச அணிகளுக்கு இடையே நடைபெறவிருந்த ஒருநாள், டெஸ்ட் தொடர்கள் ஒத்திவைக்கப்பட்டுள்ளது.

வங்கதேச கிரிக்கெட் அணி பாகிஸ்தானுக்கு எதிரான ஒருநாள் போட்டியில் விளையாட வரும் மார்ச் 29ஆம் தேதி கராச்சிக்கு செல்லவிருந்தது. அதன்பின் ஐசிசி டெஸ்ட் சாம்பியன்ஷிப்பின் ஒரு பகுதியாக இவ்விரு அணிகளுக்கு இடையிலான டெஸ்ட் போட்டி ஏப்ரல் ஐந்தாம் தேதி நடைபெறவிருந்தது.

தற்போது உலக நாடுகளையே அச்சுறுத்திவரும் கரோனா வைரஸால் வங்கதேச அணியின் பாகிஸ்தான் சுற்றுப்பயணம் காலவரையின்றி ஒத்திவைக்கப்பட்டுள்ளதாக பாகிஸ்தான் கிரிக்கெட் வாரியம் தெரிவித்துள்ளது.

கரோனா வைரஸால் இதுவரை ஆறு ஆயிரத்திற்கும் மேற்பட்டோர் உயிரிழந்துள்ளனர். ஒரு லட்சத்து 70 ஆயிரத்திற்கும் மேற்பட்டோர் பாதிக்கப்பட்டுள்ளனர். இந்த கரோனா வைரஸ் பேரழிவை உண்டாக்கும் தொற்று நோய் என உலக சுகாதார மையம் அறிவித்துள்ளது. இதனால், பல்வேறு விளையாட்டு போட்டிகளும் தற்காலிமாக ஒத்திவைக்கப்பட்டுள்ளது குறிப்பிடத்தக்கது.

இதையும் படிங்க:ஸ்மித் தலையில் அடித்த பவுன்சர்... அந்த நிமிடத்தை நினைவுகூரும் வார்னர்!