நியூசிலாந்து அணிக்கு மாற்று வீரர் அறிவிப்பு!

நியூசிலாந்து - ஆஸ்திரேலிய அணிகளுக்கு இடையிலான டெஸ்ட் தொடரிலிருந்து காயம் காரணமாக விலகிய லோக்கி ஃபர்குசனுக்குப் பதிலாக அறிமுக வீரரான கெய்ல் ஜேமீசன் அணியில் சேர்க்கப்பட்டுள்ளார்.

ஆஸ்திரேலியாவில் சுற்றுப்பயணம் மேற்கொண்டுள்ள நியூசிலாந்து அணி மூன்று போட்டிகள் கொண்ட டெஸ்ட் தொடரிலில் விளையாடி வருகிறது. ஏற்கெனவே இத்தொடரின் முதல் போட்டியில் ஆஸ்திரேலியா அணி 296 ரன்கள் வித்தியாசத்தில் நியூசிலாந்து அணியை வீழ்த்தி அபார வெற்றி பெற்றது.

இந்தப் போட்டியில் நியூசிலாந்து அணியின் வேகப்பந்து வீச்சாளர் லோக்கி ஃபர்குசன் காயம் காரணமாக தொடரிலிருந்து விலகினார். இதனை நியூசிலாந்து கிரிக்கெட் வாரியம் உறுதி செய்ததோடு, 24 மணி நேரத்திற்குள் மாற்று வீரரை அறிவிப்பதாகவும் தெரிவித்திருந்தது.

அதேபோல், ஃபர்குசனுக்கு மாற்று வீரராக 24 வயதே அனா க்ய்ல் ஜேமீசன் அணியில் சேர்க்கப்பட்டுள்ளார். வேகப்பந்து வீச்சாளரான இவர் தனது முதல் சர்வதேச கிரிக்கெட் போட்டியில் விளையாடவுள்ளார் என்பது குறிப்பிடத்தக்கது.

இதையும் படிங்க: இங்கிலாந்து அணியிலிருந்து ஓய்வு பெற்றார் நட்சத்திர வீராங்கனை!