மம்தா கட்சியில் கிரிக்கெட் வீரர் மனோஜ் திவாரி!

இந்திய கிரிக்கெட் அணி வீரர் மனோஜ் திவாரி இன்று மம்தா பானர்ஜி முன்னிலையில் திரிணாமுல் காங்கிரஸ் கட்சியில் இணைந்தார்.

இந்திய கிரிக்கெட் அணி வீரராக அறியப்படுபவர் மனோஜ் திவாரி. நல்ல ஃபார்மில் இருந்த போதும் இந்திய அணியிலிருந்து ஒதுக்கப்பட்ட இவர், மேற்கு வங்க கிரிக்கெட் அணிக்காக அதிக அளவிலான முதல்தர கிரிக்கெட் போட்டியில் விளையாடியுள்ளார்.

35 வயதான மனோஜ் திவாரி இன்று (பிப்.24) மம்தா பானர்ஜியின் முன்னிலையில் திரிணாமுல் காங்கிரஸ் கட்சியில் இணைந்தார். இதனால் மேற்கு வங்க மாநிலத்தில் நடைபெறும் சட்டசபை தேர்தலில் மனோஜ் திவாரி போட்டியிட வாய்ப்புள்ளது.

இதுகுறித்து மனோஜ் திவாரி தனது ட்விட்டர் பதிவில், “இன்று முதல் புதிய பயணம் தொடங்கியது. எனக்கு உங்களது ஆதரவும் அன்பும் எப்போதும் தேவை” என்று பதிவிட்டுள்ளார்.

இதையும் படிங்க: விபத்தில் சிக்கிய டைகர் உட்ஸ், உருக்குலைந்த நிலையில் கார் மீட்பு!