இந்திய கிரிக்கெட் அணியின் நட்சத்திர வீரரும், வேகப்பந்து வீச்சாளருமாக திகழ்பவர் ஜஸ்பிரித் பும்ரா. இவர் தற்போது இங்கிலாந்து அணிக்கெதிரான டெஸ்ட் தொடரின் இந்திய அணியில் இடம் பெற்றுள்ளார். இதற்காக சென்னை வந்துள்ள பும்ரா தனது தனிமைப்படுத்துதல் காலத்தை முடித்து நேற்று (ஜன.30) மீண்டும் பயிற்சிக்கு திரும்பினார்.
சென்னை சேப்பாக்கம் கிரிக்கெட் மைதானத்தில் வலைப்பயிற்சியில் ஈடுபட்டிருந்த பும்ரா, இந்திய அணியின் முன்னாள் சுழற்பந்து வீரர் அனில் கும்ளேவின் பாணியில் சுழற்பந்து வீசியசத்தி, பேட்ஸ்மேனை திணறச்செய்தார். வேகப்பந்துவீச்சாளரான ஜஸ்பிரித் பும்ரா, சுழற்பந்து வீசும் காணொளியை பிசிசிஐ தனது அதிகாரப்பூர்வ ட்விட்டர் பக்கத்தில் வெளியிட்டுள்ளது.