வாலிபால்: பாகிஸ்தானை வீழ்த்தி இறுதிச் சுற்றில் இந்தியா!

23 வயது உட்பட்டோருக்கான ஆசிய வாலிபால் சாம்பியன்ஷிப் தொடரில் இந்திய அணி, பாகிஸ்தானை வீழ்த்தி இறுதிச் போட்டிக்கு முன்னேறியுள்ளது.

23 வயது உட்பட்டோருக்கான ஆசிய வாலிபால் சாம்பியன்ஷிப் தொடர் மியன்மரில் நடைபெற்று வருகிறது. இதில், இன்று நடைபெற்ற அரையிறுதிப் போட்டியில், இந்திய அணி பாகிஸ்தானுடன் பலப்பரீட்சை நடத்தியது.

இதில், இந்திய அணி முதல் செட்டை 21-25 என்ற புள்ளிகள் கணக்கில் தோல்வி அடைந்தது. இதைத்தொடர்ந்து, ஆட்டத்தில் கம்பேக் தந்த இந்திய அணி 25-16, 25-22, 25-18 என்ற கணக்கில் தொடர்ந்து மூன்று செட்டை போராடி வென்றது. இதனால், இந்திய அணி 3-1 என்ற செட் கணக்கில் வெற்றிபெற்று முதன்முறையாக இறுதிச் சுற்றுக்கு முன்னேறியது. இதைத்தொடர்ந்து, நாளை நடைபெறவுள்ள இறுதிப் போட்டியில் இந்திய அணி, சீன தைபே அணியை எதிர்கொள்கிறது.