ஃபீல்டிங்கிற்கு களமிறங்காத ஷிகர் தவான்!

ராஜ்கோட்: ஆஸ்திரேலிய அணிக்கு எதிரான இரண்டாவது ஒருநாள் போட்டியில் காயம் காரணமாக தொடக்க வீரர் ஷிகர் தவான் ஃபீல்டிங் செய்ய களமிறங்கவில்லை என பிசிசிஐ தெரிவித்துள்ளது.

இந்தியா - ஆஸ்திரேலிய அணிகளுக்கு இடையில் இரண்வாது ஒருநாள் போட்டி நடந்துவருகிறது. இதில் முதலில் பேட்டிங் செய்த இந்திய அணி 6 விக்கெட்டுகள் இழப்பிற்கு 340 ரன்கள் எடுத்தது. இதில் ஷிகர் தவான் 96 ரன்கள் எடுத்தார்.

இதையடுத்து ஆஸ்திரேலிய அணிக்கு 341 ரன்கள் இலக்கு நிர்ணயிக்கப்பட்டது. இதையடுத்து ஆஸ்திரேலிய அணி பேட்டிங் செய்ய களமிறங்கியது. அப்போது இந்திய அணியின் தொடக்க வீரர் ஷிகர் தவானுக்கு பேட்டிங்கின்போது வலதுபக்க விலா எலும்பில் காயம் ஏற்பட்டதால், ஃபீல்டிங் செய்ய களமிறங்கமாட்டார் என பிசிசிஐ சார்பாக அறிவிக்கப்பட்டுள்ளது. இவருக்கு பதிலாக சுழற்பந்துவீச்சாளர் சாஹல் ஃபீல்டிங் செய்து வருகிறார்.

கடந்த போட்டியில் இதேபோல் ரிஷப் பந்த் காயம் காரணமாக களமிறங்கவில்லை என்பது குறிப்பிடத்தக்கது.

இதையும் படிங்க: விக்கெட் கீப்பிங் செய்த ராகுல் - அடுத்த போட்டியில் பந்த் களமிறங்குவாரா