நரேந்திர மோடி விளையாட்டரங்கில் இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி பகலிரவு ஆட்டமாக நடைபெற்றது. இப்போட்டியில் இந்திய அணி 10 விக்கெட் வித்தியாசத்தில் இங்கிலாந்து அணியை வீழ்த்தி அபார வெற்றியைப் பதிவு செய்தது.
இந்த வெற்றியின் மூலம் உலக டெஸ்ட் சாம்பியன்ஷிப் தொடரின் இறுதி போட்டிக்கு இந்திய அணி ஏறக்குறைய தகுதி பெற்றுள்ளது. இந்நிலையில், சர்வதேச கிரிக்கெட் கவுன்சில் இன்று (பிப்.28) டெஸ்ட் வீரர்களுக்கான தரவரிசைப் பட்டியலை வெளியிட்டுள்ளது.
பேட்டிங் தரவரிசைப் பட்டியலில் இந்திய அணியின் ரோஹித் சர்மா 8ஆம் இடத்திற்கு முன்னேறி அசத்தியுள்ளார். இதன் மூலம் டெஸ்ட் கிர்க்கெட்டில் ரோஹித் சர்மா பெற்ற அதிகபட்ச தரவரிசையாகவும் இது அமைந்துள்ளது.