தென் ஆப்பிரிக்காவில் நடைபெற்றுவரும், மான்சி சூப்பர் லீக் டி20 தொடர் தற்போது இறுதி கட்டத்தை எட்டியுள்ளது. நேற்று நடைபெற்ற 28ஆவது லீக் ஆட்டத்தில் டூ பிளசிஸ் தலைமையிலான பார்ல் ராக்ஸ் அணியும், ஸ்மட்ஸ் தலைமையிலான ஜெயண்ட்ஸ் அணியும் மோதின.
இதில், முதலில் டாஸ் வென்ற ஜெயண்ட்ஸ் அணி பந்துவீச்சை தேர்வு செய்தது. அப்போது அணியில் மாற்றங்கள் குறித்து வர்ணனையாளர் இரு அணி கேப்டன்களிடமும் கேள்வி எழுப்பினர். இதற்கு பதிலளித்த டூ பிளசிஸ், 'இன்றைய போட்டியில் எங்கள் அணியின் வில்ஜோன் பங்கேற்கமாட்டார். அவருக்கும் எனது தங்கைக்கும் நேற்றுதான் திருமணம் முடிந்தது. இதனால் அவர் நிச்சயம் வேறு வேலையில் பிசியாக இருப்பதால் இன்றைய ஆட்டத்தில் வில்ஜோன்பங்கேற்க இயலாது' என உண்மையைக் கூறினார்.
டூ பிளசிஸ்ஸின் இந்த பதிலைக் கேட்ட வர்ணனையாளரும்,ரசிகர்களும் சிரிப்பை அடக்கமுடியாமல் சிரித்தனர்.