கோல்ஃப் போட்டியில் களமிறங்கிய தோனி!

இந்திய அணியின் நட்சத்திர வீரர் தோனி, சக வீரர்களான ஆர்.பி. சிங், கேதர் ஜாதவ் ஆகியோருடன் கோல்ஃப் விளையாடும்போது எடுத்தப் புகைப்படம் இணையதளத்தில் வைரலாகியுள்ளது.

உலகக் கோப்பை ஒருநாள் கிரிக்கெட் தொடர் முடிந்ததிலிருந்து இந்திய வீரர் தோனி இதுவரை இந்திய அணிக்காக ஒரு போட்டியிலும் விளையாடாமல் இருக்கிறார். இவர் மீண்டும் இந்திய அணிக்காக விளையாடுவாரா அல்லது ஓய்வு பெறுவாரா என்ற குழப்பம் ரசிகர்கள் மத்தியில் எழுந்தது.

இந்நிலையில், 125 நாட்களுக்குப் பிறகு அவர் ராஞ்சி கிரிக்கெட் மைதானத்தில் பேட்டிங் வலைப்பயிற்சியில் மேற்கொண்ட வீடியோ இணையதளத்தில் வைரலானது. இதனால், வெஸ்ட் இண்டீஸ் அணிக்கு எதிராக நடைபெறவிருக்கும் டி20 தொடரில் தோனி இந்திய அணியில் ரிஎன்ட்ரி தருவார் என எதிர்பார்க்கப்படுகிறது.

இந்த நிலையில், இந்திய வீரர் கேதகர் ஜாதவ், தோனி, ஆர்.பி. சிங் ஆகியோருடன் கோல்ஃப் விளையாடும்போது எடுத்தப் புகைப்படத்தை தனது ட்விட்டர் பக்கத்தில் வெளியிட்டுள்ளார். இப்புகைப்படம் தற்போது இணையதளத்தில் வைரலாகியுள்ளது.

தற்போது நடைபெற்றுவரும் இந்தியா - வங்கதேச அணிகளுக்கு டெஸ்ட் தொடர் முடிவடைந்த பிறகு, இந்தியா - வெஸ்ட் இண்டீஸ் அணிகளுக்கு இடையேயான மூன்று டி20 போட்டிகள் கொண்ட டி20 தொடரின் முதல் போட்டி டிசம்பர் 6ஆம் தேதி மும்பையில் தொடங்கவுள்ளது.

இதையும் படிங்க:தோனியின் டெஸ்ட் சாதனையை முறியடித்த கிங் கோலி