இந்தியா - வெஸ்ட் இண்டீஸ் அணிகளுக்கு இடையிலான கடைசி ஒருநாள் போட்டியில் இந்திய அணி நான்கு விக்கெட் வித்தியாசத்தில் த்ரில் வெற்றியைப் பெற்றது. இந்தப்போட்டிக்கு பின் செய்தியாளர்களிடையே பேசிய ஆல் ரவுண்டர் ரவீந்திர ஜடேஜா,
' எனக்கு எப்போதெல்லாம் வாய்ப்பு கிடைக்கின்றதோ, அப்போதெல்லாம் என்னுடைய திறமையை நான் காட்டிகொண்டுதான் வருகிறேன். அதனால் நான் என்னுடையை திறமை என்னவென்பதை யாரிடமும் காட்ட வேண்டிய அவசியமில்லை. அது எனக்குப் புரிந்தால் போதும்', எனக் கூறியுள்ளார்.
மேலும் பேசிய அவர், ' நான் விளையாடிய இன்னிங்ஸில் இதுதான் மிகவும் கடினமானது என நினைக்கிறேன். ஏனெனில் இந்தப்போட்டியானது தொடரைத் தீர்மானிக்கும் போட்டியாகும். நான் கோலியுடன் விளையாடியது கொஞ்சம் உத்வேகத்தை அளித்தது. அதனாலேயே இதனை எங்களால் செய்ய முடிந்தது' எனத் தெரிவித்துள்ளார்.
நேற்று நடைபெற்ற இந்தியா - வெஸ்ட் இண்டீஸ் அனிகளுக்கு இடையிலான போட்டியில் ஜடேஜா, 31 பந்துகளில் 39 ரன்களை அடித்து இந்திய அணிக்கு வெற்றியைத் தேடித் தந்தார் என்பது குறிப்பிடத்தக்கது.
இதையும் படிங்க: ஃபினிஷராக மாறிய ஜடேஜா, ஷர்துல் தாகூர்; இந்தியா த்ரில் வெற்றி!
