ஆஸ்திரேலியாவில் நடைபெற்றுவரும் ஒன்பதாவது சீசன் பிக் பேஷ் லீக் டி20 தொடர் களைகட்டிவருகிறது. இத்தொடரில் நாளை நடைபெறவுள்ள 13ஆவது லீக் ஆட்டத்தில் மேக்ஸ்வெல் தலைமையிலான மெல்போர்ன் ஸ்டார்ஸ் அணி, அலெக்ஸ் கேரி தலைமையிலான அடிலெய்டு ஸ்ட்ரைகர்ஸ் அணியை எதிர்த்து விளையாடுகிறது.
இதில் மெல்போர்ன் ஸ்டார்ஸ் அணி இத்தொடரில் பங்கேற்ற இரண்டு போட்டிகளிலும் வெற்றிபெற்று நான்கு புள்ளிகளுடன் பட்டியலில் இரண்டாம் இடத்தில் உள்ளது. அதேபோல் அடிலெய்டு அணி இதொடரில் ஒரு வெற்றி, ஒரு முடிவில்லை என மூன்று புள்ளிகளுடன் நான்காம் இடத்தில் உள்ளது.
இந்நிலையில் நாளை நடைபெறவுள்ள போட்டிக்கான மெல்போர்ன் ஸ்டார்ஸ் அணியில் ஆடும் 13 பேர் கொண்ட அணி இன்று வெளியிடப்பட்டுள்ளது. அதில் பிக் பேஷ் லீக்குக்கு அறிமுக வீரராக களமிறங்கவுள்ளார் தென் ஆப்பிரிக்காவின் ஸ்டெயின். மேலும் ஆஸ்திரேலிய அணியின் ஆல்ரவுண்டர் கூல்டர் நைல் பெயரும் அந்தப் பட்டியலில் இடம்பிடித்துள்ளது.