கரோனா வைரஸ் பாதிப்பு காரணமாக சர்வதேச கிரிக்கெட் போட்டிகள் ஒத்திவைக்கப்பட்டுள்ள நிலையில், தென் ஆப்பிரிக்க கிரிக்கெட் வாரியம் சார்பாக 3டி கிரிக்கெட் என்ற புதிய வகை கிரிக்கெட் போட்டி அறிமுகப்படுத்தப்பட்டுள்ளது. 3டி கிரிக்கெட் தொடரில் டி வில்லியர்ஸ், ரபாடா, டி காக் ஆகியோர் தலைமையில் மூன்று அணிகள் பங்கேற்கவுள்ளன. இந்த வகை கிரிக்கெட் போட்டியில் 8 வீரர்கள் மட்டுமே அனுமதிக்கப்படுவார்கள். அனைத்து அணிகளுக்கும் சேர்த்து மொத்தமாக 36 ஓவர் கொடுக்கப்படும்.
இதில் முதலில் பேட்டிங் செய்யும் அணிக்கு 6 ஓவர்கள் வீசப்படும். இதையடுத்து பந்துவீசும் அணி பேட்டிங்கில் களமிறங்க வேண்டும். அவர்களுக்கும் 6 ஓவர்கள் வீசப்படும். இதையடுத்து மூன்று அணிகளும் 6 ஓவர்கள் என மொத்தமாக 18 ஓவர்கள் ஆடியிருப்பார்கள்.