INDvsBAN: இந்தியா - வங்கதேசம் அணிகளுக்கு இடையிலான தொடர் வருகிற நவம்பர் முதல் வாரத்தில் தொடங்கவுள்ளது. இதில் மூன்று டி20 மற்றும் இரண்டு டெஸ்ட் போட்டிகள் அடங்கிய தொடராக நடைபெறவுள்ளது. இந்தியா - வங்கதேசம் அணிகளுக்கு இடையிலான இத்தொடரின் இரண்டாவது டெஸ்ட் போட்டியானது கொல்கத்தாவில் உள்ள ஈடன் கார்டன் மைதானத்தில் நடைபெறவுள்ளது.
இந்நிலையில் பிசிசிஐ தலைவரும், இந்திய அணியின் முன்னாள் கேப்டனுமான சவுரவ் கங்குலி இன்று செய்தியாளர்களைச் சந்திக்கையில், வங்கதேச நாட்டின் பிரதமர் ஷேக் ஹசினா ஈடன் கார்டனில் நடைபெறவுள்ள இந்தியா - வங்கதேச அணிகளுக்கு இடையிலான இரண்டாவது டெஸ்ட் போட்டியை மணியடித்து தொடங்கிவைக்கவுள்ளார் என்று தெரிவித்தார்.