இந்தியாவில் சுற்றுப்பயணம் மேற்கொண்டுள்ள வங்கதேச அணி தற்போது இரண்டு டெஸ்ட் போட்டிகள் கொண்ட தொடரில் விளையாடி வருகிறது. இதில் ஏற்கனவே நடைபெற்ற முதல் டெஸ்ட் போட்டியில் இந்திய அணி இன்னிங்ஸ் மற்றும் 130 ரன்கள் வித்தியாசத்தில் வெற்றி பெற்று 1-0 என்ற கணக்கில் முன்னிலை வகிக்கிறது.
இந்நிலையில் இவ்விரு அணிகளுக்கும் இடையிலான இரண்டாவது டெஸ்ட் போட்டி பகல் இரவு போட்டியாக, கொல்கத்தாவிலுள்ள ஈடன் கார்டன் மைதானத்தில் தற்போது நடைபெற்று வருகிறது. இந்த போட்டியில் முதலில் டாஸ் வென்ற வங்கதேச அணி முதலில் பேட்டிங்கைத் தேர்வுசெய்துள்ளது.
ஏற்கனவே முதல் போட்டியில் வெற்றி பெற்ற இந்திய அணி மாற்றங்கள் ஏதுமின்றி அதே உத்வேகத்தில் களம் காண்கிறது. முதல் போட்டியில் தோல்வியடைந்த வங்கதேச அணியில் டைஜுல், மெஹிதி ஹசன் ஆகியோருக்கு பதிலாக அல் அமீன், நயீம் ஹசன் ஆகியோர் இன்றைய போட்டியில் களமிறங்குகின்றனர்.