‘அந்த பெயர் எனது ஃபோனில் வந்தபோது என்னைக் கிள்ளிப் பார்த்துக் கொண்டேன்!’ - டர்னர்

டெல்லி: இந்தியாவுக்கு எதிரான நான்காவது ஒருநாள் போட்டியில் ஆஸ்திரேலியாவின் வெற்றிக்கு முக்கிய அங்கம் வகித்த டர்னருக்கு பாராட்டுகள் குவிந்து வருகின்றன. இதில் ஆஸ்திரேலிய அணியின் முன்னாள் கேப்டன் ஸ்மித் பாராட்டியதை சுவாரஸ்யத்துடன் பகிர்ந்து கொண்டார்.

இந்தியாவுக்கு எதிரான நான்காவது ஒருநாள் போட்டியில் 43 பந்துகளில் 84 ரன்கள் எடுத்து ஆஸ்திரேலிய அணியை வெற்றி பெறச் செய்ததற்கு பல்வேறு தரப்பினரும் பாராட்டுக்களைத் தெரிவித்து வருகின்றனர். அதில் ஆஸ்திரேலிய அணியின் முன்னாள் கேப்டன் ஸ்மித், அந்த இன்னிங்ஸ் குறித்து தனக்கு ஃபோன் செய்து பாராட்டியதாக டர்னர் கூறியுள்ளார்.

ashton

இதனை டர்னர், “அந்த ஃபோன் வந்தபோது என்னை நானே கிள்ளிப் பார்த்துக் கொண்டேன். ஸ்மித்துடன் ஓய்வறையை விரைவில் பகிர்ந்துகொள்ள ஆர்வமாக உள்ளேன்” என அந்த நிமிடங்களை நினைவுக் கூர்ந்துள்ளார்.

அதேபோல் டர்னர் வலைப்பயிற்சியில் ஈடுபட்டபோது முன்னாள் வீரர் மேத்யூ ஹெய்டன் நேரில் பேட்டிங் குறித்து ஆலோசித்தது குறிப்பிடத்தக்கது.

மேலும், ஐபிஎல் தொடரில் ராஜஸ்தான் அணிக்காக ஸ்மித்துடன் இணைந்து ஆடவுள்ளதை ஆவலுடன் எதிர்பார்ப்பதாகவும் இளம் வீரர் டர்னர் தெரிவித்துள்ளார்.