இந்திய அணியின் நட்சத்திர வீரராக வலம்ந்தவர் சுரேஷ் ரெய்னா. சர்வதேச கிரிக்கெட்டிலிருந்து தோனி ஓய்வை அறிவித்த சில மணி நேரங்களிலேயே சுரேஷ் ரெய்னாவும் ஓய்வை அறிவித்தார். இதையடுத்து இந்த ஆண்டு ஐபிஎல் தொடரில் பங்கேற்பதற்காக ஐக்கிய அரபு அமீரகம் சென்ற இவர், சில நாள்களிலேயே நாடு திரும்பினார். சுரேஷ் ரெய்னா வெளியேறியதற்கு காரணங்கள் சரியாக தெரியாததால், பல கதைகள் கிளம்பியது.
இறுதியாக அவரது உறவினர்கள் கொலை செய்யப்பட்ட சம்பவம் வெளியவரும்போது அனைத்துக் கட்டுக்கதைகளும் பொய் என தெரியவந்தது. இந்நிலையில் கடந்த ஆகஸ்ட் 26ஆம் தேதி ஜம்மு - காஷ்மீர் டிஹிபிக்கு ரெய்னா கடிதம் எழுதினார். அதில், '' கிரிக்கெட்டைத் தொடங்குவதற்கும், ஊக்குவிப்பதற்கும் கிடைத்த மிகுந்த நம்பிக்கையுடன் இந்த கடிதத்தை எழுதுகிறேன். ஜம்மு - காஷ்மீரைச் சேர்ந்த குழந்தைகள் கிரிக்கெட் மூலம் தங்களது வாழ்க்கையை வடிவமைக்க ஒரு வாய்ப்பை கொடுக்க வேண்டும்.