டெஸ்ட் கிரிக்கெட்டில் முதன்முறையாக மோதும் ஆப்கானிஸ்தான் - அயர்லாந்து!

டேராடூன்: ஆப்கானிஸ்தான் - அயர்லாந்து அணிகள் முதன்முறையாக டெஸ்ட் கிரிக்கெட் போட்டியில் விளையாடி வருகிறது.

டி 20, ஒருநாள் கிரிக்கெட் தொடர்களில் மோதிய ஆப்கானிஸ்தான் மற்றும் அயர்லாந்து அணிகள், இன்று உத்தரகாண்ட் மாநிலம் டேராடூனில் டெஸ்ட் கிரிக்கெட்டில் விளையாடி வருகிறது. இரு அணிகளும் முதன்முறையாக டெஸ்ட்டில் மோதி வருவதால் இரு அணி வீரர்களும் உத்வேகத்துடன் களமிறங்கியுள்ளனர்.

ஐசிசி டெஸ்ட் அணி அந்தஸ்தத்தை பெற்ற பின் அயர்லாந்து அணி பாகிஸ்தானுக்கு எதிராகவும், ஆப்கானிஸ்தான் அணி இந்தியாவுடனும் டெஸ்ட் கிரிக்கெட்டில்மோதின. அந்த போட்டிகளில் அயர்லாந்து மற்றும் ஆப்கானிஸ்தான் ஆகிய இருஅணிகளும் தோல்வியையே தழுவியது.

எனவே இந்த போட்டியில், இரு அணிகளும் வெற்றியை பதிவு செய்யும் நோக்கில் களமிறங்கியுள்ளன. குறைந்த ஓவர் போட்டிகளில் அதிரடி காண்பித்து வரும் இரு அணிகளும் டெஸ்ட் கிரிக்கெட்டில் தங்களது முதல் வெற்றியை ருசிக்க களம் காணுகின்றனர்.

தற்போதைய பயணத்தில் டி20 தொடரை ஆப்கானிஸ்தான் அணி 3-0 என முழுமையாக கைப்பற்றியது. அதைத் தொடர்ந்து நடைபெற்ற 5 போட்டிகள் கொண்ட ஒருநாள் தொடர் 2-2 என சமநிலையில் முடிவடைந்தது.