மெல்போர்ன்: ஐசிசி நடத்தும் 13வது உலகக் கோப்பை தொடர் கடந்த அக்டோபர் 5ஆம் தேதி தொடங்கி நடைபெற்று வருகிறது. இதன் இறுதிப் போட்டியானது வரும் நவம்பர் 19ஆம் தேதி நடைபெறுகிறது. இந்த தொடர் முடிவடைந்ததும் ஆஸ்திரேலிய அணி, இந்திய அணிக்கு எதிராக 5 ஆட்டங்கள் கொண்ட டி20 தொடரை விளையாட உள்ளது.
இந்த டி20 தொடரின் முதல் ஆட்டம் நவம்பர் 23ஆம் தேதி நடைபெறுகிறது. இந்த நிலையில், அந்நாட்டு கிரிக்கெட் வாரியம் இத்தொடருக்கான ஆஸ்திரேலிய அணியை அறிவித்துள்ளது. இந்த தொடருக்கு மேத்யூ வேட் கேப்டனாக நியமிக்கப்பட்டுள்ளார்.
இதில் பேட் கம்மின்ஸ், மிட்செல் ஸ்டார்க் மற்றும் ஜோஸ் ஹசல்வுட் ஆகிய வேகப்பந்து வீச்சாளர்களுக்கு ஒய்வு அளிக்கப்பட்டுள்ளது. அதேநேரம், அனுபவம் வாய்ந்த ஸ்டீவ் ஸ்மித், டேவிட் வார்னர் மற்றும் கிளென் மேக்ஸ்வெல் ஆகியோர் இந்த தொடரில் இடம் பிடித்துள்ளனர்.
இது குறித்து அந்நாட்டு அணியின் தலைமை தேர்வாளர் ஜார்ஜ் பெய்லி கூறுகையில், “இந்த அணி அனுபவம் கலந்த இளம் வீரர்களைக் கொண்டுள்ள அணி. தென் ஆப்பிரிக்காவுக்கு எதிரான ஆட்டத்தில் மிட்செல் மார்ஸ் தலைமை தாங்கியதுபோல் தற்போது இந்த தொடரில் மேத்யூ வேட் அணியை வழிநடத்தவுள்ளார். இது சர்வதேச கிரிக்கெட்டில் அணியை வழிநடத்துவதில் நல்ல அனுபவத்தை பெற்றுத் தரும்" என்றார்.
போட்டியின் அட்டவனை:
முதல் டி20 போட்டி - நவம்பர் 23 - விசாகப்பட்டினம்