கொழும்பு: ஆசிய கோப்பை கிரிக்கெட் தொடர் தொடங்கி நடைபெற்று வருகிறது. இதில் இந்தியா, இலங்கை, பாகிஸ்தான், வங்கதேசம் அணிகள் சூப்பர் 4 சுற்றுக்கு தகுதி பெற்றன. இதில் முதல் இரண்டு இடத்திற்கு முன்னேறும் அணிகள் இறுதி போட்டியில் மோதும். சூப்பர் 4 சுற்றின் முதல் போட்டியில் கடந்த செப்டம்பர் 6ஆம் தேதி வங்கதேசம் - பாகிஸ்தான் அணிகள் மோதிக் கொண்டன. இதில் பாகிஸ்தான் அணி 7 விக்கெட்கள் வித்தியாசத்தில் வங்கதேச அணியை வீழ்த்தி அபார வெற்றி பெற்றது.
இதன் மூலம் பாகிஸ்தான் அணி சூப்பர் 4 சுற்றை வெற்றியுடன் தொடங்கியது. இதனை அடுத்து நாளை (செப். 10) பாகிஸ்தான் அணி - இந்திய அணியை எதிர்கொள்கிறது. இந்நிலையில், ஆசிய கோப்பை தொடக்கம் முதலே மழை குறிக்கிடுவதால் போட்டிகள் பாதிப்படைந்து வருகின்றன. கடந்த 2ஆம் தேதி நடைபெற்ற இந்தியா - பாகிஸ்தான் மோதிய லீக் போட்டி மழையால் எவ்வித முடிவும் இன்றி நிறுத்தப்பட்டது. மேலும், இரு அணிகளுக்கு தலா ஒரு புள்ளிகள் வழங்கப்பட்டன.
இதையும் படிங்க:Neymar: பீலேவை பின்னுக்கு தள்ளி புதிய சாதனை படைத்த நெய்மர்! எதுல தெரியுமா?
தொடர்ந்து மழை குறிக்கிட்டு ஆட்டங்கள் தடைபடுவதால் ரசிகர்கள் வருத்தம் அடைந்தனர். இதனால் ஆசிய கிரிக்கெட் கவுன்சில் வர இருக்கும் பாகிஸ்தான் - இந்தியா மோதும் சூப்பர் 4 சூற்றுக்கும், ஆசிய கோப்பையின் இறுதி போட்டிக்கும் ரிசர்வ் டேவை அறிவித்தது.