ஹைதராபாத்:அடுத்த மாதம் துவங்க உள்ள ஐசிசி உலகக் கோப்பை ஒருநாள் போட்டிக்கான இந்திய அணி மாற்றம் செய்யப்பட்டுள்ள அறிவிப்பு வெளியாகி உள்ளது. அதில் ஏற்கனவே இடம் பெற்று இருந்த அக்சர் பட்டேலுக்கு ஏற்பட்ட காயம் காரணமாக, அவருக்கு பதிலாக தற்போது ரவிச்சந்திரன் அஸ்வினுக்கு வாய்ப்பு அளிக்கப்பட்டுள்ளது.
முன்னதாக நடைபெற்ற ஆசியக் கோப்பை கிரிக்கெட் போட்டிகளில் பங்களாதேஷ் அணிக்கு எதிரான போட்டியில் காயம் அடைந்த சுழற்பந்து வீச்சாளர் அக்சர் பட்டேல், போட்டியில் இருந்து விலகி ஓய்வில் இருந்தார். இச்சூழல் இவரை ஆசியக் கோப்பை இறுதிப் போட்டியிலும் விளையாட விடாமல் ஆக்கியது. அதனைத் தொடர்ந்து, தற்போது நடந்து முடிந்த ஆஸ்திரேலியாவுக்கு எதிரான போட்டிகளிலும் அக்சர் பட்டேலின் இடத்தை அஸ்வின் நிரப்பினார்.