தாய்லாந்து ஓபன்: காலிறுதியில் இந்திய இணை!

தாய்லாந்து ஓபன் பேட்மிண்டன் தொடரின் கலப்பு இரட்டையர் பிரிவில் இந்தியாவின் அஸ்வினி பொன்னப்பா, சாத்விக் சாய்ராஜ் ரங்கிரெட்டி இணை காலிறுதி சுற்றுக்கு முன்னேறியுள்ளது.

பாங்காக்கில் நடைபெற்று வரும் தாய்லாந்து ஓபன் பேட்மிண்டன் தொடர் தற்போது இறுதி கட்டத்தை எட்டியுள்ளது. இதில் இன்று நடைபெற்ற கலப்பு இரட்டையர் பிரிவின் காலிறுதிக்கு முந்தைய சுற்று ஆட்டத்தில் இந்தியாவின் அஸ்வினி பொன்னப்பா, சாத்விக் சாய்ராஜ் ரங்கிரெட்டி இணை - ஜெர்மனியின் மார்க் லாம்ஸ்ஃபு, இசபெல் ஹெர்ட்ரிக் இணையை எதிர்கொண்டது.

பரபரப்புடன் தொடங்கிய இப்போட்டியில் பொன்னப்பா இணை 22-20 என்ற கணக்கில் முதல் செட்டைக் கைப்பற்றியது. இதற்கு பதிலடி கொடுக்கும் விதத்தில் இரண்டாவது செட்டை 21-14 என்ற கணக்கில் மார்க் இணை கைப்பற்றி அசத்தியது. இதனால் இப்போட்டியில் யார் வெற்றி பெறுவார் என்ற பரபரப்பு அதிகரித்தது.

தொடர்ந்து நடைபெற்ற மூன்றாவது செட் ஆட்டத்தில் சிறப்பாக செயல்பட்ட பொன்னப்பா இணை 21-16 என்ற கணக்கில் செட்டை கைப்பற்றி மார்க் இணைக்கு அதிர்ச்சியளித்தது.

இதன் மூலம் இந்தியாவின் அஸ்வினி, ரங்கிரெட்டி இணை 22-20, 21-14, 21-16 என்ற செட் கணக்கில் ஜெர்மனியின் மார்க், இசபெல் இணையை வீழ்த்தி தாய்லாந்து ஓபன் பேட்மிண்டன் தொடரின் கலப்பு இரட்டையர் காலிறுதி சுற்றுக்கு முன்னேறியது.

இதையும் படிங்க: இத்தாலியன் சூப்பர் கோப்பை: 9ஆவது முறையாக சாம்பியன் பட்டம் வென்ற ஜுவென்டஸ்!