நடப்பாண்டிற்கான சுவிஸ் ஓபன் பேட்மிண்டன் தொடர் சுவிட்சர்லாந்தில் நடைபெற்றுவருகிறது. நேற்று (மார்ச்.6) நடைபெற்ற மகளிர் ஒற்றையர் பிரிவின் அரையிறுதி சுற்றில் இந்தியாவின் பி.வி.சிந்து, டேனீஷ் நாட்டின் மியா பிளிச்ஃபெல்ட்டை எதிர்கொண்டார்.
பரபரப்பான இந்த ஆட்டத்தில் தொடக்கம் முதலே அதிரடியாக விளையாடிய சிந்து, முதல் செட்டை 22-20 என்ற கணக்கில் போராடி வென்றார். தொடர்ந்து நடைபெற்ற இரண்டாம் செட்டிலும் சிறப்பாக செயல்பட்ட சிந்து 21-10 என்ற கணக்கில் அந்த செட்டையும் கைப்பற்றி பிளிச்ஃபெல்ட்டிற்கு அதிர்ச்சியளித்தார்.