கொரிய ஓபன் பேட்மிண்டன் தொடர், கொரிய நாட்டின் பல்வேறு நகரங்களில் நடைபெற்று வருகிறது. இதில் இன்று நடைபெற்ற மகளிர் ஒற்றையர் பிரிவு ஆட்டத்தில் உலகச்சாம்பியனான இந்தியாவின் பி.வி.சிந்து சீனாவின் ஜாங் பீவனை எதிர்கொண்டார்.
விறுவிறுப்பான இந்த போட்டியில் சிந்து முதல் செட்டை 21-07 என்ற புள்ளிக்கணக்கில் கைப்பற்றினார். அதன் பின் தனது அதிரடி ஆட்டத்தை வெளிப்படுத்திய ஜான் பீவான் இரண்டாவது, மூன்றாவது செட்டை 24-22, 21-15 என்ற புள்ளிகளின் அடிப்படையில் சிந்துவை வீழ்த்தினார்.
இதன் மூலம் சீனாவின் ஜான் பீவான் 07-21, 24-22, 21-15 என்ற புள்ளிகளின் அடிப்படையில் பி.வி.சிந்துவை வீழ்த்தி வெற்றி பெற்றார். இத்தோல்வியின் மூலம் உலகச்சாம்பியன் பி.வி.சிந்து கொரிய ஓபன் பேட்மிண்டன் தொடரின் முதல் சுற்றிலேயே வெளியேறி அதிர்ச்சியளித்துள்ளார்.