பிரபல தொலைக்காட்சியில் ஒளிபரப்பாகும் 'செம்பருத்தி' தொடருக்கு ஏகப்பட்ட ரசிகர்கள் உள்ளனர். சுமார் 1125 எபிசோட்களை கடந்து வெற்றிகரமாக ஒளிபரப்பாகும் இத்தொடரில் பிரதான கதாபாத்திரத்தில் நடிகை ஷபானா நடித்துவருகிறார்.
இவரும், பிரபல தொலைக்காட்சியில் ஒளிபரப்பாகும் 'பாக்கியலட்சுமி’ தொடரில் நடிக்கும் ஆர்யனும் காதலித்துவருவதாகக் கடந்த சில மாதங்களாகப் பேசப்படுகிறது. ஆனால் இது குறித்து இருவரும் அறிவிக்காமலிருந்தனர்.
இந்நிலையில் நடிகர் ஆர்யன் சமீபத்தில் இன்ஸ்டாகிராமில் பெண் கை மேல், தன் கை வைத்திருப்பது போன்ற புகைப்படத்தை வெளியிட்டார். இரண்டு பேர் கையிலும் ஒரேமாதிரியான தங்க மோதிரம் இருந்ததால், அவர்கள் இருவரும் நிச்சயதார்த்தம் செய்துவிட்டனர் என்பது தெளிவாகத் தெரியவந்துள்ளது.