பிரபல தனியார் தொலைக்காட்சியில் ஒளிபரப்பாகும் 'பிக்பாஸ்' நிகழ்ச்சிக்கு ஏராளமான ரசிகர்கள் உள்ளனர். தமிழ் மட்டுமின்றி தெலுங்கு, இந்தி, கன்னடம், மலையாளம் ஆகிய மொழிகளிலும் இந்நிகழ்ச்சி ஒளிபரப்பாகிறது. தமிழில் ஏற்கனவே நான்கு சீசன்கள் நடந்து முடிந்துள்ளன.
இந்த நிலையில், ஐந்தாவது சீசன் விரைவில் தொடங்கவுள்ளது. இதனையொட்டி பிக்பாஸ் 5ஆவது சீசனின் புரொமோகாணொலி ஒன்று வெளியாகியுள்ளது. அதில், திருமண வீட்டில் உறவினர்கள், நண்பர்கள் அக்கறையுடன் மணமக்களை கவனித்துக் கொள்வதாகவும், ஆனால் நேரம் செல்லச் செல்ல மணமக்களின் வீட்டார் சண்டை போட்டுக்கொள்வது போலவும் காட்சிகள் இடம்பெற்றுள்ளன.