சுஷாந்த் சிங்கின் 'தில் பேச்சரா' டிரெய்லர் நாளை வெளியீடு!

நடிகர் சுஷாந்த் சிங் நடிப்பில் உருவான தில் பேச்சரா படத்தின் டிரெய்லர் நாளை வெளியாக உள்ளதாக அறிவிக்கப்பட்டுள்ளது.

ஃபாக்ஸ் ஸ்டார் ஸ்டுடியோஸ் தயாரிப்பில் இயக்குநர் முகேஷ் சாப்ரா இயக்கத்தில், மறைந்த பாலிவுட் நடிகர் சுஷாந்த் சிங் ராஜ்புத் நடித்த படம் தில் பேச்சரா.

இத்திரைப்படம் வரும் ஜூலை 24ஆம் தேதி ஒடிடி தளத்தில் வெளியாகும் என்று அறிவிக்கப்பட்டுள்ளது. இந்நிலையில், இந்தப் படத்தின் டிரெய்லர் நாளை வெளியாகவுள்ளதாகப் படக்குழுவினர் அறிவித்துள்ளனர்.

சுஷாந்த் சிங்கின் மறைவையொட்டி இத்திரைப்படம் ஹாட் ஸ்டார் தளத்தில், இலவசமாகக் காணலாம் என்று தெரிவிக்கப்பட்டுள்ளது. இத்திரைப்படம் திரையரங்கத்தில் வெளியாகவிருந்த நிலையில், கரோனா ஊரடங்கு காரணமாக ரிலீஸ் தேதி ஒத்திவைக்கப்பட்டிருந்தது.