அறிமுக இயக்குநர் மடோன் அஷ்வின் இயக்கத்தில் யோகிபாபு நடித்துள்ள படம் 'மண்டேலா'. இயக்குநர் பாலாஜி மோகனின் தயாரிப்பு நிறுவனமான ஓபன் விண்டோ புரொடக்ஷன் இப்படத்தைத் தயாரித்துள்ளது. படத்துக்கு பரத் சங்கர் இசையமைத்துள்ளார். மண்டேலா படத்தில் யோகிபாபுவுடன் சங்கிலி முருகன், ஜிஎம்.சுந்தர், ஷீலா ராஜ்குமார் உள்ளிட்ட பலர் நடித்துள்ளனர்.
இந்தப் படம் திரையரங்குகளில் வெளியாகாமல் நேரடியாக தொலைக்காட்சியிலும், அதனைத் தொடர்ந்து நெட்ஃபிளிக்ஸ் ஓடிடி தளத்திலும் வெளியானது. இந்தப் படம் விமர்சன ரீதியாக மக்களிடையே பெரும் வரவேற்பைப் பெற்றது. மேலும் இந்தப் படத்தில் யோகிபாபுவின் நடிப்பு சிறப்பாக உள்ளதாக பலர் கருத்து தெரிவித்தனர்.