கடந்த ஜனவரி மாதம் அஜித் நடிப்பில் வெளியான ‘விஸ்வாசம்‘ தற்போது தமிழ் சினிமாவில் பல சாதனைகள் படைத்து வருகிறது. சமீபத்தில் வசூலில் சாதனை படைத்த இப்படம், தற்போது மேலும் ஒரு புதிய சாதனையை தமிழகத்தில் நிகழ்த்தியுள்ளது.
இந்நிலையில் விஜய்யின் மாஸ் படமான 'மெர்சல்' படத்தின் தமிழ்நாட்டு வசூலை அஜித்தின் விஸ்வாசம் படம் முறியடித்துள்ளது. ‘விஸ்வாசம்‘ வெளிவந்து நான்கு வாரங்கள் ஆகிவிட்டன. ஆனால், இன்னும் தமிழகம் முழுவதும் பல திரையரங்குகளில் ஹவுஸ்ஃபுல் காட்சிகளாக ஓடிக்கொண்டிருக்கின்றன.
இதற்கு முன்பு ‘எந்திரன்’ படமும் ‘பாகுபலி 2’ படமும் தான் நான்கு வாரங்கள் தாண்டி ஓடின. தற்போது அதே வரிசையில் ‘விஸ்வாசம்‘ படமும் நான்கு வாரங்களை தாண்டி தற்போது ஓடி சாதனை படைத்து வருகிறது.