வித்தியாசமான கதைக்களங்களைத் தேர்வு செய்து நடித்து, தமிழ்த் திரையுலகில் தன்னை நிலை நிறுத்தியவர் விஷ்ணு விஷால். தற்போது மனு ஆனந்த் இயக்கத்தில் உருவாகியுள்ள 'எஃப்.ஐ.ஆர்' படத்தில் நாயகனாக நடித்து தயாரித்தும் உள்ளார் விஷ்ணு. இந்தப் படத்தின் டீஸர் இணையத்தில் பெரும் வரவேற்பைப் பெற்ற நிலையில், தற்போது இறுதிக்கட்டப் பணிகள் மும்முரமாக நடைபெற்று வருகின்றன.
இதனைத் தொடர்ந்து, தனது அடுத்த படத்தைத் தொடங்கியுள்ள விஷ்ணு, அதையும் தனது விஷ்ணு விஷால் ஸ்டுடியோஸ் மூலமே தயாரிக்கவுள்ளார். 'மோகன்தாஸ்' என்று பெயரிடப்பட்டுள்ள அப்படத்தின் அறிமுக டீஸர் கரோனா ஊரடங்கு சமயத்திலேயே வெளியானது. இப்படத்தை 'களவு' படத்தின் மூலம் ஆச்சரியப்படுத்திய முரளி கார்த்திக் இயக்கவுள்ளார். எமோஷனல் த்ரில்லர் பாணியிலான இக்கதை, பார்வையாளர்களுக்கு கண்டிப்பாக ஒரு வித்தியாசமான அனுபவமாக இருக்கும் என்கிறது படக்குழு.