வித்தியாசமான கதைக்களங்களைத் தேர்வு செய்து நடித்து, தமிழ்த் திரையுலகில் தன்னை நிலை நிறுத்தியவர் விஷ்ணு விஷால். தற்போது மனு ஆனந்த் இயக்கத்தில் உருவாகியுள்ள 'எஃப்.ஐ.ஆர்' படத்தில், விஷ்ணு விஷால் நாயகனாக நடித்து அதை தயாரித்தும் உள்ளார். இந்தப் படத்தின் டீஸர் இணையத்தில் பெரும் வரவேற்பைப் பெற்ற நிலையில், தற்போது இறுதிக்கட்டப் பணிகள் மும்முரமாக நடைபெற்று வருகின்றன.
இதனைத் தொடர்ந்து, தனது அடுத்த படத்தைத் தொடங்கியுள்ள விஷ்ணு விஷால், அதையும் தனது தயாரிப்பு நிறுவனம் மூலமே தயாரிக்கவுள்ளார். 'மோகன்தாஸ்' என்று பெயரிடப்பட்டுள்ள அப்படத்தின் அறிமுக டீசர் சமீபத்தில் வெளியாகி ரசிகர்கள் மத்தியில் வரவேற்பை பெற்றது. இப்படத்தை 'களவு' படத்தின் மூலம் அறிமுகமான முரளி கார்த்திக் இயக்குகிறார்.