புனித் கனவை உயிரோட்டமாக்கிய விஷால் - குவியும் பாராட்டுக்கள்

மறைந்த புனித் ராஜ்குமார் உதவியில் படித்துவரும் 1,800 மாணவர்களின் கல்விச் செலவை அடுத்தாண்டு முதல் ஏற்க உள்ளதாக விஷால் அறிவித்துள்ளார்.

பெங்களூரு: கன்னடத் திரையுலகின் பவர் ஸ்டாராக வலம் வந்த புனித் ராஜ்குமார், நேற்று முன் தினம் (அக்.29) திடீர் மாரடைப்பால் காலமானார்.

புனித் ராஜ்குமார்

புனித் ராஜ்குமார், சிறந்த நடிகராக திகழந்தது மட்டுமின்றி, பல்வேறு சமூக நலப் பணிகளிலும் ஈடுபட்டுவந்தார். 45 இலவசப் பள்ளிகள், 26 ஆதரவற்றோர் இல்லங்கள், 19 கோசாலை மற்றும் 16 முதியோர் இல்லங்கள் ஆகியவற்றை நடத்தி வந்த புனித், 1,800 மாணவர்களின் கல்விச் செலவையும் ஏற்றிருந்தார்.

விஷால்

இந்நிலையில், புனித் ராஜ்குமார் உதவியில் படித்துவரும் 1800 மாணவர்களின் கல்விச் செலவை அடுத்தாண்டு முதல் ஏற்க உள்ளதாக நடிகர் விஷால் அறிவித்துள்ளார்.

ஐதராபாத்தில் நேற்று நடைபெற்ற எனிமி படத்தின் புரமோஷன் நிகழ்ச்சியில் கலந்து கொண்ட அவர் இதனைக் கூறினார்.