விஜய் சேதுபதி, மாதவன் நடிப்பில் தமிழில் வெளியாகி மிகப்பெரிய வெற்றியைப் பெற்ற திரைப்படம், 'விக்ரம் வேதா'. 'புஷ்கர் - காயத்ரி இயக்கிய இப்படம் வசூல் ரீதியாக மட்டுமின்றி விமர்சன ரீதியாகவும் மாபெரும் வரவேற்பை பெற்றது.
தமிழைத் தொடர்ந்து இப்படம் இந்தியில் ரீமேக் செய்யப்படுகிறது. ஒய் நாட் ஸ்டுடியோஸ், ரிலையன்ஸ் நிறுவனம், டி-சீரிஸ் நிறுவனம் ஆகியவை இணைந்து இப்படத்தைத் தயாரிக்கின்றன.
விக்ரம் வேதா படத்தின் இந்தி ரீமேக் விஜய தசமியை முன்னிட்டு இந்த மாதம் ஐக்கிய அரபு நாடுகளில் தொடங்கியது. புஷ்கர் - காயத்ரி இயக்கிவரும் இதில் மாதவன் கதாபாத்திரத்தில் சைஃப் அலிகான், விஜய் சேதுபதி கதாபாத்திரத்தில் ஹிருத்திக் ரோஷன் நடிக்கின்றனர்.
இந்நிலையில் 'விக்ரம் வேதா' ரீமேக் படத்தில் விஜய் சேதுபதியாக நடித்துவரும் ஹிருத்திக் ரோஷன் தனது ஆக்ஷன் காட்சிகளை முடித்துள்ளார். இதனைப் படக்குழுவினர் தங்களது இன்ஸ்டாகிராம் பக்கத்தில் அறிவித்துள்ளனர்.
இதையும் படிங்க:அஸ்வினின் 'என்ன சொல்லப் போகிறாய்' படத்தின் பூஜை!