மாஸ்டர் படத்துக்கு பிறகு லோகேஷ் கனகராஜ் இயக்கிவரும் படம் ‘விக்ரம்’. கமல், விஜய் சேதுபதி, ஃபகத் பாசில் ஆகியோர் இதில் முன்னணி கதாபாத்திரங்களில் நடிக்கின்றனர். இந்தப் படத்தை கமலின் ராஜ்கமல் நிறுவனம் தயாரிக்கிறது. இதன் ஃபர்ஸ்ட் லுக் போஸ்டர் தற்போது வெளியாகி சமூக வலைதளங்களை ஆக்கிரமித்து வருகிறது.
கமலின் தீவிர ரசிகரான லோகேஷ் கனகராஜ், ‘விக்ரம்’ என்ற கமலின் பழைய பட தலைப்பையே தேர்வு செய்திருந்தார். தற்போது படத்தின் ஃபர்ஸ்ட் லுக்கை ‘விருமாண்டி’ பட ஸ்டைலில் வெளியிட்டிருக்கிறார்.