'விஜய் சேதுபதியின் மாஸ் என்னானு தெரியுமா?' - வெளியான 'சங்கத்தமிழன்' ட்ரெய்லர்!

விஜய் சேதுபதி நடிப்பில் உருவாகியுள்ள 'சங்கத்தமிழன்' படத்தின் ட்ரெய்லர் தற்போது வெளியாகியுள்ளது.

இயக்குநர் விஜய்சந்தர் இயக்கத்தில் நடிகர் விஜய் சேதுபதி நடிப்பில் உருவாகிவரும் படம் 'சங்கத்தமிழன்'. இப்படத்தில் விஜய் சேதுபதியுடன் நடிகை ராஷி கண்ணா, நிவேதா பெத்துராஜ், சூரி, நாசர், ஜான் விஜய் உள்ளிட்டோர் நடிக்கின்றனர். பாரதி ரெட்டி தயாரிக்கும் இப்படத்திற்கு விவேக் - மெர்வின் இசையமைக்கின்றனர்.

இந்நிலையில், இப்படத்தின் ட்ரெய்லரை படக்குழு வெளியிட்டுள்ளது. ஏற்கனவே வெளியான டீசரில் அதிரடி காட்சிகளும் வசனங்களும் இடம்பெற்றிருந்த நிலையில் ட்ரெய்லரில் இன்னும் செம மாஸ் ஆன காட்சிகளும் வசனங்களும் இடம் பெற்றுள்ளன. இது ரசிகர்கள் மத்தியில் படத்தின் மீதான எதிர்பார்ப்பை அதிகரித்துள்ளது.