அவெஞ்சர்ஸ் திரைப்படத்தில் ரசிகர்களை ஏமாற்றிய விஜய் சேதுபதி!

இன்று வெளியான 'அவெஞ்சர்ஸ் எண்ட் கேம்' திரைப்படத்தில் ஐயன் மேன் கதாப்பாத்திரத்திற்கு விஜய் சேதுபதியின் பின்னணி குரல் சற்றும் பொருந்தாததால் ரசிகர்கள் ஏமாற்றம் அடைந்துள்ளனர்.

மார்வெல் ஸ்டுடியோஸ் தனது ஒட்டு மொத்த ஹீரோக்களை நடிக்க வைத்து உருவாக்கியுள்ள 'அவெஞ்சர்ஸ் எண்ட் கேம்' திரைப்படம் இன்று வெளியானது.

இப்படத்தில், 'ஐயன் மேன்' கதாபாத்திரத்திற்கு நடிகர் விஜய் சேதுபதி பின்னணி குரல் கொடுத்துள்ளார். இதே போல் பிளாக் விடோ கதாப்பாத்திகத்திற்கு ஆண்ட்ரியா குரல் கொடுத்துள்ளார். தமிழ் டப்பிங்கிற்கான வசனத்தை இயக்குநர் ஏ.ஆர். முருகதாஸ் எழுதியிருந்தார்.

இந்நிலையில், இப்படத்தை திரையில் பார்த்துவிட்டு வெளியே வரும் ரசிகர்கள், ஐயன் மேன் கதாப்பாத்திரத்திற்கு நடிகர் விஜய் சேதுபதியின் குரல் பொருந்தவில்லை என கருத்து தெரிவித்துவருகின்றனர். இருப்பினும் ஆண்ட்ரியாவின் குரல் விடோ கதாப்பாத்திறத்திற்கு கச்சிதமாக பொருந்தியுள்ளது எனவும் ரசிகர்கள் கூறுகின்றனர்.