தளபதி 65 படப்பிடிப்பு எப்போது?

சென்னை: விஜயின் 'தளபதி 65' படத்தின் படப்பிடிப்பு ஏப்ரலில் தொடங்க உள்ளதாக கூறப்படுகிறது.

சன் பிக்சர்ஸ் தயாரிப்பில் நடிகர் விஜய் தனது 65ஆவது படத்தில் நடிக்க உள்ளார். 'கோலமாவு கோகிலா' படத்தை எடுத்த நெல்சன் இயக்குகிறார். இன்னும் பெயரிடப்படாத இப்படத்தை ரசிகர்கள் 'தளபதி 65' என அழைக்கின்றனர். அனிருத் இசை அமைக்கும் இப்படத்தில் விஜய்க்கு ஜோடியாக ராஷ்மிகா மந்தனா அல்லது பூஜா ஹெக்டே இருவரில் யாரேனும் ஒருவர் நடிக்க வாய்ப்புகள் இருப்பதாக கூறப்படுகிறது.

மேலும் இப்படத்தில் யோகிபாபு, குக்வித் கோமாளி புகழ் ஆகியோரும் நடிக்க இருப்பதாகத் தெரிகிறது. இப்படத்தின் படப்பிடிப்பு ஏப்ரலில் தொடங்கவுள்ளதாகத் தகவல்கள் தெரிவிக்கின்றன. ஏப்ரலில் தொடங்கும் படப்பிடிப்பு அக்டோபர் அல்லது நவம்பரில் முடிவடையும் என்றும் அடுத்தாண்டு பொங்கலுக்கு வெளியிட திட்டமிட்டிருப்பதாகவும் கூறப்படுகிறது.