'ஆள்', 'மெட்ரோ' உள்ளிட்ட படங்களை இயக்கியவர் ஆனந்த் கிருஷ்ணன். இவர் தற்போது விஜய் ஆண்டனியை வைத்து 'கோடியில் ஒருவன்' திரைப்படத்தை இயக்கிவருகிறார். இதில் விஜய் ஆண்டனிக்கு ஜோடியாக ஆத்மிகா நடித்துள்ளார்.
'கோடியில் ஒருவன்' ஃபர்ஸ்ட் சிங்கிள் வெளியாகும் தேதி அறிவிப்பு! - விஜய் ஆண்டனியின் படங்கள்
விஜய் ஆண்டனி நடிப்பில் உருவாகி வரும் 'கோடியில் ஒருவன்' படத்தின் ஃபர்ஸ்ட் சிங்கிள் வெளியாகும் தேதியை படக்குழுவினர் அறிவித்துள்ளனர்.
-antony
இந்தப் படத்தை செந்தூர் ஃபிலிம் இன்டர்நேஷனல் சார்பில் ராஜா, தனஞ்ஜெயன் ஆகியோர் இணைந்து தயாரிக்கின்றனர். தற்போதைய சூழலுக்கேற்றவாறு அரசியலை மையப்படுத்தி உருவாகும் இந்த த்ரில்லர் கதைக்கு ஜோகன் இசையமைக்கிறார். உதயகுமார் ஒளிப்பதிவு செய்கிறார்.
சமீபத்தில் இப்படத்தின் படப்பிடிப்பை முடித்த படக்குழுவினர் இறுதிகட்ட வேலைகளில் மும்முரமாக ஈடுபட்டுவருகின்றனர். கோடை விடுமுறை கொண்டாட்டமாக ஏப்ரலில் வெளியாகும் இப்படம் தமிழ், தெலுங்கு என இரு மொழிகளில் வெளிவருகிறது. இந்நிலையில், இப்படத்தின் ஃபர்ஸ்ட் சிங்கிள் 'அவன் பாத்து சிரிக்கல' பாடல் நாளை (மார்ச் 5) மாலை வெளியாகும் என படக்குழுவினர் அறிவித்துள்ளனர்.